عباية انيقة
بسم الله الرحمن الرحي
الاكمام
الامام و الخلف
هناك اكثر من طريقة لتفصيل اكمام raglan انا كنفضل هاد الطريقة اللي غادي نشرحها لكم نبداو على بركة الله
نبداو بباطرون الامام كنرسمو باطرون عادي بالقياسات اللي بغينا
نعبرو طول الكم ديالنا و نحطو المسطرة بحال هاكدا
ضروري المسطرة تكون مع الكتف لاحظو الصورة ثم كنسطرو طول الكم بحال هاكدا
ننزلو قياس دورة اليد او الرسغ
من نهاية تقويرة الكم كننزلو ب 4 سنتيم شوفو في حطيت النقطة الحمراء
نصل النقطة الحمراء مع الرسغ
كنعبرو دورة الكول شحال فيها من سنتيم كنقسموها على 3 مثلا انا كان عندي 9 سنتيم في دورة العنق قسمتها على 3 عطاتني 3 سنتيم شوفو الصورة غادي توضح لكم
كنسطرو كيف هو واضح في الصورة هاداك السطر كنقطعوه و كنحصلو على الجزء الامامي من الكم
هادا باطرون الخلف كنرسموه بنفس الطريقة الاختلاف الوحيد هو كنقسمو الكول على 2 لاحظو الصورة
كنقطعو الخط الموصول مع النقطة الحمراء و هاكدا نكونو حصلنا على الجزء الخلفي من الكم
انتهينا من الباطرون نمرو للفصالة
هاهي مفصلة الامام و الخلف
الاكمام
الامام و الخلف
خليت زيادة 10 سنتيم للكشكشة شوفو الصور انتم تقدرو تزيدو ادا حبيتو
خياطتها سهلة جدا فقط انتبهو خيطو امام الكم مع الصدر و الخلف مع الظهر كنتمنى تكونو فهمتوني هههه
الاكمام والكول كنجمعوهم بالجبادة لاستيك
و في الاخير نقول لكم عواشركم مبروكة
اللهم بلغنا رمضان ووفقنا فيه للصيام و القيام و اجعلنا فيه من عتقائك من النار برحمتك يا ارحم الراحمين
تعليقات
إرسال تعليق